Nasarakan dagiti otoridad ti sako a naglaun iti tulang, kabayatan ti search operation para iti pannakasapul dagiti bangkay dagiti mapukpukaw a Sabungeros iti Taal Lake idi July 10, 2025.
Nasarakan dagiti tulang iti igid ti Taal Lake idiay Laurel, Batangas.
Kabayatanna, kinuna ti Department of Justice a nasarakan manen ti Philippine National Police-Criminal Investigation and Detection Group (PNP-CIDG) ken Philippine Coast Guard (PCG) ti maysa a sako a naglaon iti tulang a maatap a nauram.
Nasarakan dagiti tulang iti asideg ti lokasion nga imbutaktak ti whistleblower a ni Julie “Dondon” Patidongan.
Isayangkat ti Criminal Investigation and Detection Group (CIDG) wenno ti National Bureau of Investigation ti forensic examination tapno maamuan no tulang daytoy ti tao.
Maisayangkat metlaeng ti DNA Testing tapno maammuan no adda kapada ti asinoman kadagiti pamilia dagiti mapukpukaw a sabungeros.
Iti kanito a nasayaat ti sasaaden ti panawen, rugian ti Philippine Coast Guard ti search operation iti Taal Lake intun July 11, 2025.
Maipalagip a dumanon iti 34 a Sabungero ti naipadamag a mapukpukaw manipud 2021 agingga 2022.
Sigun kadagiti otoridad, nakawtibo dagiti biktima gapu iti maatap a panagkusitda iti cockfighting games.
Immuna metteng nga imbutaktak ti Whistleblower ken co-accused Julie “Dondon” Patidongan a naibelleng ti bangkay dagiti Sabungeros iti Taal Lake.
Itud-tudo ni Patidongan ti businessman a ni Atong Ang a mastermind iti kaso, innagananna pay nga adda ti ammo ti aktress a ni Gretchen Barretto seknan iti pannakapukaw dagiti suspek.
Nupay kasta, agpada a pinaglibakanda ti aligasion ni Patidongan.
