Inwaragawag ni Department of Interior and Local Government Secretary Benjamin Abalos a ti dua a police officers a suspek iti pamapatay iti beauty queen Geneva Lopez ken ti Israeli a fiance daytoy ket addan iti kustodiya ti police.
Sigun kenni kenni Abalos,dagiti suspek ket mapatta-patta nga adda pakainaiganna iti ipupusay dagiti biktima gapu ta idi natiliw dagitoy ket ado ti imetda a paltog kasta met nga adda ti testigo maipapan iti napasamak pakairamanan ti panakaitudo ti naikalian dagiti bangkay.
“Noong sila’y nahuli at napakaraming mga baril ang nahuli sa mga ito, may detalye at testigo na naturo pa itong lugar kung saan inilibing itong dalawang bangkay.”
Department of Interior and Local Government Secretary Benjamin Abalos
Innayon ni Abalos nga adda pay dagiti indibidual a manarimaan ti panakaimbestigada.
Kabayatanna, kinumpirmar ni National Bureau of Investigation Director Jaime Santiago a dagiti bangkay a nasarakan idiay Capas, Tarlac ket bagi da Geneva ken Yitzhak Cohen.
Maipalagip a naipatungpal ti panakabirok kadagiti aggayem idi Hulyo a singko iti agdama a tawen kalpasan ti panangiruar ti Tarlac City Regional Trial Court Branch 111 iti warrant.
