Agpatpattaming ita iti pag-agasan ti dua a miembro iti 5th Infantry Division, troops of the 503rd Infantry Brigade kalpasan a nadangranda iti dua a daras a rinnupak dagitoy iti grupo ti Komiteng Larangang Guerilla (KLG) Baggas ita nga aldaw idiay Balbalan Proper Kalinga.
Nabigbig dagiti biktima a da Corporal Jonard L. Addatu ken Private First Class Rojemar A. Cuyen.
Sigun iti 5th Infantry Division, troops of the 503rd Infantry Brigade, napasamak ti umuna a rinnupak iti nagbaetan iti grupo dagitoy ken ti sangapullo a maipagarop a miembro iti Komiteng Larangang Guerilla (KLG) Baggas iti nasao a lugar, pasado alas dies iti agsapa.
Nupay kasta, dagus a nakalibas dagitoy.
Kalpasan ti agarup tallo nga oras, napasamak ti maikaddua a rinnupak dagitoy sadiay Balantoy, Kalinga iti isu metlaeng a grupo, a nangitunda iti panakadangranda Addatu ken Cuyan.
Kinompiskar dagiti otoridad manipud iti dua nga insidente ti M14 rifle, springfield rifle, M16 rifle, improvised explosive devices, ammunitions, blasting caps ken dadduma pay a kagawaan iti nasao a rebelde.
