BAGUIO CITY – Nagballigi dagiti dua a team lakay Fighters iti kaleppas a labanda iti ONE Championship idi kalman.
Immuna ditoy ni Jhanlo Mark “The Machine” Sangiao nu sadino inabakna ti padana metlaeng a Filipino Fighters Anacleto Lauron babaen iti submission (rear naked choke).
Inabak met ni Jeremy “Juggernaut” Pacatiw niMyanmar Fighter Tial Thang babaen iti triangle submission.
Agpada a makaawat da Sangiao ken Pacatiw ti 50,000 US dollar kas bonus manipud iti ONE Championship.
Kabayatanna, napaay met dagiti uppat a team lakay fighters kontra kadagiti kalabanda.
Immuna a naabak ni Eduard “The Landslide” Folayang kontra
kenni Brazilian Fighter Edson Marques babaen iti technical knockout iti maika-dua a rikus ti ay-ayamda.
Dagus met a nakatakder ni Folayang ngem naudi gaputa nagsignalen ti referee a maisardeng ti laban.
Simmaruno a naabak ni Jenelyn Olsim kontra kenni Chinese Fighter Meng Bo babaen iti technical knock-out iti uneg ti dua pulo ket uppat a segundo ti 1st round.
Napaay met ni Geje “Gravity” Eustaquio kontra kenni Chinese Fighter Hu Yong babaen iti right hand knock-out iti 1st round.
Naabak metlaeng ni Adonis Sevilleno kontra iti padana metlaeng a Filipino Fighter Drex Zamboanga.
Saan pay a naidepensar ni Joshua “The Passion” Pacio ti World Strawweight Belt-na kontra iti American Fighter a ni Jarred “The Monkey” Brooks.
Naabak ni Pacio babaen iti unanimous decision iti lima a rikus ti ay-ayamda.
Gapu iti daytoy, awanen ti aktibo nga MMA World Champion ti Pilipinas.
Iggem ita ni Pacio ti uppat nga abak ken dua pulo a pangabak.
Still Congratulations Team Lakay, Rise Again and Bounce Back!!
