Balligi nga inispal dagiti otoridad ti dua a maladaga a maatap nga ilalako ti bukodda nga ina sadiay Quezon City ken Batangas City.
Sigun iti Philippine National Police–Women and Children Protection Center (PNP-WCPC), naispal dagiti dua a maladaga manipud iti nagsinnabali nga entrapment operations.
Maysa kadagiti biktima ti one-year old no sadino, mataap a naidiaya para iti illegal adaptation babaen iti online, kasukat ti ₱25,000.
Sigun kenni Philippine National Police–Women and Children Protection Center chief PBGen. Maria Sheila Portento, tallo a bulan a masikog ti ina ti maladaga.
Sigun iti ina a suspek, saan a makaaw-awat iti anya man a suporta manipud iti asawana.
Kabayatanna, balligi metlaeng a naispal ti 3 months old a maladaga.
Naiyanak daytoy sadiay Vietnam no sadino, maysa nga overseas Filipino worker (OFW) ti inana ken Chinese-Vietnamese ti ama daytoy.
Sigud kadagiti otoridad, nagsubli ti ina iti Pilipinas kalpasan laeng ti tallo nga aldaw a panagpasngayna.
Tallo a bulan kalpasanna, maatap nga inkeddengna nga ilako ti maladagana iti online iti gatad a ₱75,000.
Dagus a naiturong dagiti maladaga kadagiti social workers manipud kadagiti maseknan a local government units para iti protective custody, assessment, ken intervention tapno masigurado ti kinatalged dagitoy.
Maisagsagana metten ti kaso a Trafficking in Persons ken Child Trafficking iti sidong ti Special Protection of Children Against Abuse, Exploitation, and Discrimination Act kontra kadagiti ina dagiti biktima.
