Binabalaw ni New York Attorney General Letitia James ken Attorney General William Tong ti bilionario a ni Elon Musk gapu iti pananggun-odna iti pribado nga impormasion ti minilion nga Amerikano.
Sigun kenni James, awan ti nangibots kenni Musk ken ti “minions” daytoy, ken awan ti nangipalubos kenkuana a mang-access ti impormasion.
Patien ni James a panaglabsing daytoy ti “separation of powers.”
Ikonkonsidera met ni Tong a kadakkelan a data breach iti pakasaritaan ti Amerika ti inaramid ni Musk.
Inaramidda ti komento sakbay ti panagdinggeg ti federal court idiay Manhattan seknan iti panag-access ti Department of Government Efficiency iti government payment system.
Nangidarum metten ti maysa a koalision dagiti Demokratiko nga estado ti Estados Unidos idi Pebrero 7 tapno pasardengenda ti maysa a panel ti administrasion ni Trump nga indauluan ti bilionario a ni Elon Musk a makastrek kadagiti government systems nga maus-usar a mangproseso iti trilion a doliar a bayad.
Nakaland iti reklamo a mabalin a riribuken ni Musk ken ti grupona ti pederal a pondo para kadagiti health clinics, preschools, climate initiatives, ken dadduma pay a programa, ken mabalin nga aramaten ni Republican President Donald Trump ti impormasion tapno mapapintas pay ti political agenda daytoy.
