--Ads--
Kinumpirmar ti Department of Education Cauayan City (DepEd Cauayan) a dua nga estudyante ti pimmusay kalpasan a nakuryente dagitoy kabayatan iti fun run activity a naipatungpal idiay Cauayan South Central School ita nga aldaw.
Dua pay nga indibudual ti naipakaammo a nadangran.
Sigun iti nasao nga ahensya, mannarimaan metten ti imbestigasyon dagiti otoridad seknan iti napasamak.
Kabayatanna, kidkiddawen ita dagiti kapamilya dagiti biktima ti hustisya para kadagiti pimmusay.
Inyebkas met ti nasao nga ahensya ti pannakipagriknada kadagiti pinanawan dagiti biktima kasta metlaeng a kinidawda iti publiko a liklikanda iti panangiwaras kadagiti ladawan ken bidyu dagiti biktima.
