--Ads--
Inarestar ti National Bureau of Investigation (NBI) ti dua nga indibidual nga agilaklako iti mapapati a fraudulent Subscriber Identity Cards wenno Bogos a Sim Cards idiay Tala ken Bagong Silang, Caloocan City itay nabiit.
Sumangsango dagitoy iti kaso a panaglabsing iti Republic Act (RA) No. 12010 wenno ti Anti-Financial Account Scamming Act (AFASA); RA 10175 wenno Cybercrime Prevention Act of 2012.
Nakemmeg dagiti suspek babaen iti nagtipon a puersa ti NBI Cybercrime Division (NBI-CCD) ken NBI Special Task Force (NBI-STF).
Nakompiskar metlaeng kadagiti suspek ti 6,000 a maatap a pre-registered SIM Cards, uppat a set iti 32-port SIM Banks, set iti computers ken sumagmamano a cellphones.
