--Ads--
Balligi a nakemmeg dagiti dua nga indibidual iti naipatungpal a buy-bust operation sadiay Burnham Park a masakupan ti Brgy Legarda-Burnham-Kisad, Baguio City idi April 1,2025.
Sigun kenni Philippine Drug Enforcement Agency-Cordillera Regional Director Derrick Arnold C. Carreon, dagiti natiliw ket maysa a lalaki nga agtawen iti 40, ken ti babae nga agtawen iti 26 a nagtaud manipud Dasmariñas, Cavite.
Sigun iti opisyal, nagbyahe dagitoy paturong iti siudad kas turista babaen iti panagluganda iti bus tapno laeng aglakoda iti illegal a droga.
Nakumpiskar kadakuada ti 50 grams ti maatap a shabu nga aggatad iti P340,000.00.
Sumangsango dagitoy iti kaso a panaglabsing iti Republic Act 9165 wenno ti Comprehensive Dangerous Drugs Act of 2002.
