Dua nga indibidual ti natulongan ti Baguio City Police Office babaen iti pannakikoordinarda iti Department of Social Welfare and Development (DSWD) para iti tulong a mabalin a maipaay kadakuada.
Maibasar iti report ti kapulisan, nagturong ti maysa a babae nga agtawen iti 28 ken maysa a lalaki nga agtawen iti 29, agpada nga awanan trabaho ken residente ti Cavite, iti istasyon ti Baguio City Police Office Station 7 tapno agpa-asistar para iti panang-availda iti Balik Probinsya Program ti Departmet of Social Welfare and Development (DSWD)
Sigun kadagiti dua nga indibidual, simmang-atda iti siudad ti Baguio idi Agosto 11, 2026 tapno agsapol iti panggedanda.
Nupay kasta, gapu iti naglabas a bagyo ken agtultuloy nge epekto ti habagat, saan daytoy a nakasapol iti panggedanda. Kagidan dayta, naibus metlaengen ti balon dagitoy a kuwarta.
Nagkiddawda metlaengen kadagiti kapamilyada. Nupay kasta, saan a mabaelan ti pamilya dagitoy nga ipaay ti assistance a kasapulanda.
Gapu iti dayta, nagpatulong dagitoyen iti kapulisan tapno agdamag no kasano ti umno a proseso ti panang-avail iti Balik Probinsya Program ti DSWD kasta metten iti posible nga assistance para iti panagsubli dagitoy iti probinsyada.
Iti kaudian a report ti kapulisan, nairefer metten dagitoyen iti Department of Social Welfare and Development.