--Ads--
Pimmusay dagiti dua nga indibidual bayat a dua ti nadangran gapu iti panagdalapus ti bagyo idiay Northwest United States.
Sigun kadagiti otoridad sadiay, pimmusay dagitoy kalpasan a natupakanda iti natumba a kayo idi laeng kalman, bayat a dagiti dua a nadangran ket natupakanda metlaeng iti kayo a natnag idiay Maple Valley.
Malaksid iti dayta, napukawan metlaeng dagiti agarup 600,000 nga indibidual iti suplay ti kuryente no sadino kaadduan kadagiti awanan iti silaw ket idiay Vancouver Island.
Gapu iti dayta, idagdagadag dagiti maseknan nga otoridad sadiay kadagiti residente partikular idiay western Washington nga agtalinaed iti uneg dagiti babbalay agsipud ta adu dagiti kaykayo a posible a matumba.
