--Ads--
Pimmusay ti dua nga indibidual kalpasan a naiyanud ti luganda gapu iti layus idiay New Jersey idi July 14, 2025.
Nalayus ti nasao a lugar gapu iti adu nga aldaw a panagbayakabak ti napigsa a tudo.
Gapu iti dayta, indeklara ni Governor Phil Murphy ti nasao a lugar kas state of emergency.
Namakdaar met dagiti opisial a mabalin a maapektaran iti layus ti Washington, D.C. ken Carolinas.
Kabayatanna, naitantan dagiti dadduma a parapubliko a transakyon gapu iti nasao a layus.
Iti bali a bangir, sumagmamano met a subway system ken sumagmamano a naapektaran iti panaglayus sadiay Manhattan, New York ti nagsubli iti transakyon.
