Nakemmeg ti dua nga indibidual sadiay La Trinidad bayat ti drug session sadiay km5, Pico, La Trinidad itay napalabas.
Dagiti suspek ket 30-anyos a lalaki, single, porter, tubo sadiay Madella, Quirino Province, ken residente sadiay Km.5, Pico, La Trinidad bayat a ti maysa ket 27-anyos, addaan iti asawa, porter, tubo sadiay Itogon, Benguet ken residente sadiay Pico, La Trinidad, Benguet.
Maibasar iti report ti pulisya, nagresponde dagiti intel wenno drug enforcement unit operatives iti maysa a text message a naawatda manipud iti maysa a concerned citizen nga adda ti mapaspasamak a drug session iti maysa a lugar.
Nagturong ngarud dagiti operatiba iti nasao a lugar tapno paneknekan ti nasao a mensahe a nagresulta iti pannakaarestar dagiti suspek.
Dagiti nakumpiskar kadakuada ket maysa a pidaso ti heat-sealed transparent plastic sachet a naglaon iti maatap a shabu nga agdagsen iti 0.9 grams ken agbalor iti P6,120; maysa a pidaso ti heat-sealed transparent plastic sachet a naglaon iti maatap a shabu nga agdagsen iti 0.5 grams ken agbalor iti P3,400 ken maysa a pidaso ti heat-sealed transparent plastic sachet a naglaon iti maatap a shabu nga agdagsen iti 0.3 grams ken agbalor iti P2,040 ken dadduma pay a non-drug evidences.//Bombo Genzel Depayso