Agpapaimbag ita iti pagagasan dagiti dua nga indibidual a karaman iti napasamak a Vehicular Traffic Accident itay laeng parbangon iti sangwanan iti Baguio Central School.
Sigun iti report manipod iti pulisya, manarimaan a dumaldalyasat ti Black Toyota Fortuner iti Naguilian Road idi kellaat a nagpakannawan ti maysa a taxi a sarsarunwen daytoy a nangliklik met iti maysa a motorsiklo a nagcounter flow.
Gapu iti dayta, ti Black Toyota Fortuner ken ti motorsiklo iti nagdinnungpar a nakaitunda iti panakadangran iti driver ken angkas iti isu metlaeng a motorsiklo ken panakadadael met ti sumagmamano a paset iti Black Toyota Fortuner.
Dagus met a naipaayan iti medikal nga atensyon dagiti nadangran babaen kadagiti rimmesponde a kameng iti Baguio City Emergency Medical Service.//Bombo Genzel Depayso
