Nagkiddaw iti repatriation ti dua nga overseas filipino workers sadiay Iran iti Overseas Workers Welfare Administration gapu iti agdama nga epekto ti tensyon iti nagbaetan ti Israel ken Iran.
Dagiti overseas filipino workers ket manipud Cebu ken Siquijor.
Maibasar iti report, ti panakarepatriate dagiti dua nga inbidual ket impila dagiti pamilya dagioy.
Iti laksid met a naideklara ti ceasefire, impakaamo ti Overseas Workers Welfare Administration a sitatalinaed ladta a nakangato ti Alert level 3 a kayatna a sawen nga awan ti overseas filipino workers a mabalin a makaturong kadagiti pagilian a naapektaran iti tensyon.
Naipakaamo met a dumanonen iti 35 nga OFW manipud Israel ti narepatriate ken amin dagiti Pilipino nga agsubsubli iti pagilian ket maipapaayan iti financial assistance.
