BAGUIO CITY- Nakemmeg ti dua a drug suspek iti nagsina a buybust operation ditoy Baguio City.
Nabigbig dagitoy a da Clint Ambrosio Macachor, 34 anyos ken Michael Angelo Belga Rogayan, 34 anyos.
Maibasar iti report, nakemmeg ni Macachor sadiay Leonila Hill, Baguio City kalpasan a nangilako iti 0.8 a gramo ti mapapati a shabu nga addaan iti standard drug price (SDP) a 5,440.
Malaksid iti dayta, nakumpiskar pay manipod kenkuana kabayatan iti pannakaarestar daytoy iti kanayunan a tallo a pakete ti maapatap a shabu nga agdagsen iti 2.9 grams na addaan iti Standard Drug Price a 19,720
Kabayatanna, nakemmeg met ni Rogayan sadiay Salud, Mitra, Baguio City kalpasan a nangilako iti 2 a gramo ti maatap a shabu nga addaan iti Standard Drug Price a 13,600
Gapu iti dayta, sumango dagiti dua iti kaso a panaglabsing iti RA 9165 wenno Comprehensive Dangerous Drugs Act of 2002.
