Kinumpirmar ti Malacañang a naglusulos iti pwesto dagiti dua nga undersecretaries ti Department of Health (DOH).
Sigun kenni Palace press officer Atty. Claire Castro, nag-resign iti pwesto ni Financial and Supply Chain Management Services Randy Escolango ken Undersecretary for Universal Health Care-Health Services Cluster Lead for Luzon Dr. Glenn Mathew Baggao.
Sumangsango dagitoy iti reklamo iti Office of the Ombudsman.
Nadutukan ni Baggao kas Health Undersecretary for Public Health Service Cluster idi 2024.
Sumangsango daytoy iti graft complaints manipud iti Concerned Health Workers idi Abril.
Sigun kadagiti maseknan a grupo, maatap a nilabsing ni Baggao ti Anti-Graft and Corrupt Practices Act kalpasan a nakagun-od ti kabsatna iti P140 Million a gatad ti infrastructure projects, karaman dagiti ospital kabayatan ti termino daytoy.
Kabayatanna, sumangsango met iti reklamo ni Escolango kaduana ni sigud a Health Secretary Teodoro Herbosa mainaig iti pannakadutok kadagiti kangrunaan a posision ken pannakaliklik ti “standard fiscal checkpoint.”
