BAGUIO CITY- Nagsublin iti trabaho ti dua a pulis a taga Cordillera a nadangran iti panagbettak ti improvised explosive device iti deppaar ti national road sadiay Baras, Rizal idi kanikadua.
Nabigbig dagitoy a da PO2 Manuel Fang-asan a tubo ti Bontoc, Mt. Province ken PO2 Jimmy Talupa a tubo ti Ifugao.
Immuna iti daytoy, manarimaan ti panagpatrolya dagiti pulis a nakalugan iti patrol car dagitoy idi napasamak ti panagbettak sadiay Sitio Corazon de Jesus, Barangay Pinugay, partikular iti Marcos Highway.
Paturong dagitoy iti headquarters ti 80th Infantry Battalion ti Philippine Army idi napasamak ti insidetne.
Nagtultuloy ti biaheda ngem dagusda nga intaray iti pagagasan dagiti dua a pulis kalpasan a nakitada nga agdardara ti paset ti bagi dagitoy.
Naamuan a nagsagrap dagiti dua iti minor injury.
Manarimaan met ti panangimbestigar dagiti pulis no asino dagiti utek iti napasamak.
