BAGUIO CITY – Nabigbig dagiti dua a pulis ti Cordillera kagiddan ti panagrugi ti National Crime Prevention Month ita a bulan.
Sigun kenni PCI Carolina Lacuata, panakangiwat ti Police Regional Office Cordillera, karaman kadagiti mabigbig da PSI Edgar Tapo ti Ifugao PNP ken ni PO3 Alan Namulngo ti Baguio PNP nga agpada a nakstrek iti Regional Search for Model PNP Family.
Kinunana met nga iti Crime Prevention Week ket nabilin ti amin nga istasyon ti pulisya a mangipatungpal kadagiti napintas nga aktibidad a maiyanatop iti tema ti nasao a selebrasyon a “Pamayanang Mapagmasid, Kapayapaan ay Maihahatid.”
Innayunna a karaman ditoy ti engagement dagiti pulis iti nagduduma a grupo, ken ti panangipatungpalda iti seminar ken panangiwarasda kadagiti information education materials mainaig iti crime prevention.
Malaksid iti daytoy ket bisitaenda met laeng dagiti lugar nga immunan a minulaanda iti kayo, ken dalusan ken sukatanda dagiti saan a nagtubo a kayo.
