--Ads--
BAGUIO CITY–Nakemmeg ti dua a turista ken drug personalities sadiay probinsia Tiglayan, Kalinga.
Nabigbig dagiti suspek a da Yeoj Vincent Munsayac, 19-anyos , residente ti Brgy. Tambubong, Bocaue, Bulacan ken ni Anjelo Jerome Manansala, 22-anyos ken residente ti Brgy. Duhat, Bocaue, Bulacan.
Maibasar iti report, nakaawat iti report ti Tinglayan Municipal Police Station ken PDEA-Cordillera a nakaimet dagiti suspek iti marijuana.
Iti naipatungpal nga operasyon, nakemmeg dagiti drug suspect iti maysa a rangtay sadiay Sitio Mamaga, Barangay Bugnay, Tinglayan.
Nakumpiskar kadagitoy ti maysa a bag a naglaon iti 11 a bricks ti napagango a bulong ti marijuana a nabungon iti packing tape.
