--Ads--
BAGUIO CITY – Dinadael dagiti otoridad ti dumanon P2.6-M a gatad dagiti marijuana iti eradication operation nga insayangkatda sadiay Buscalan, Tinglayan, Kalinga idi Lunes, June 22.
Maibasar iti report, kabayatan ti panangisayangkat dagiti kameng ti 2nd Kalinga Provincial Mobile Force Company iti Internal Security Operation iti nasao a disso ket nadiskobreda ti dua a pagmulaan ti marijuana nga addaan kalawa a 1,200 square meters.
Dagus a naisayangkat ti koordinasyon kadagiti maseknan nga unit ti pulisya ken iti PDEA-Kalinga para iti panakadadael dagiti iligal a mula.
Pinarut ken inuram dagiti otoridad ti mapattapatta a 13,000 a pidaso dagiti fully-grown marijuana plants.
