BAGUIO CITY – Dinadael dagiti operatiba ti Benguet Provincial Police Office ti dumanon P940,000 a gatad dagiti fully grown marijuana plants sadiay Taloy Norte iti Tuba ken Tacadang iti Kibungan idi kanikadua.
Nadiskobre dagiti otoridad ti tallo a pagmulaan sadiay Sitio Bagang iti Barangay Tacadang nga addaan kalawa a dumanon 1,150 metro kwadrado.
Pinarutda kadagiti nasao a disso ti 2,950 a pidaso ti fully grown marijuana plants nga aggatad ti P590,000.
Dagus nga inuram dagiti otoridad dagiti naparut nga iligal a mula.
Nupay kasta, awan ti nakemmeg nga indibidua kabayatan ti operasyon.
Malaksid iti daytoy, agtultuloy ti panangisab-it dagiti pulis ti Kibungan iti tarpaulin kadagiti parapubliko a lugar sadiay mainaig iti panakaideklara dagiti marijuana cultivators ken drug pushers kas ‘Persona Non Grata’ iti masakupan ti munisipyo.
