Kiniddaw ni Duterte Youth party-list chairman Ronald Cardema kenni Commission on Elections (Comelec) Chairman George Garcia nga agikkat kalpasan ti desision ti Comelec a masuspindir ti proklamasion ti nasao a grupo kas maysa kadagiti nangabak iti midterm elections, ken maikari iti tallo a tugawan iti Kamara.
Nakagun-od ti Duterte Youth party-list iti 2,338,564 a botos wenno 5.57% iti naited a botos iti kaleppas nge eleksion.
Masdaaw met ni Cardema no apay a saan a narisut ti kaso a naipila kontra iti nasao a grupo.
Ti dakdakamaten ni Cardema ket dagiti kaso a naipila idi pay tawen 2019 a maibagbaga a saan nga eligible ti Duterte Youth nga agtaraay iti partylist gaputa napaay a mangisubmitir amin ti requirement a kasapulan tapno mabigbig kas registered party-list.
Agtaltalinaed met ti takder ni Comelec Chairman Garcia a ti pannakasuspindir ti proklamasion ti Duterte Youth ket nagtaud ti serioso a damag seknan iti merito a makipaset iti party-list race.
