BAGUIO CITY – Nakemmeg ti dua a High Value Individual iti iligal a droga kasaruno iti nagsina a buybust operation nga impatungpal dagiti otoridad iti syudad ken probinsya ti Benguet
Iti umuna a buybust operation a naisayangkat sadiayAthletic Bowl, Barangay Legarda-Burnham-Kisad, Baguio City, nakemmeg ni Gabriel Cuevas Froline Gasmeña, 28 anyos, awanan asawa, awanan trabaho ken residente ti Scout Barrio, Baguio City
Naala manipod ken Gasmeña ti maysa a pidaso ti bassit a paket a naglaon iti mapapati a napagango a bulong ti marijuana nga agdagsen ti nasurok kumurong a maysa gramo ken aggatad iti P1200
Malaksid iti dayta, naala manipod kenkuana ti buybust money ken cellphone a naaramat iti transaksyon
Kabayatanna, naipatungpal sadiay Piripin Bato, Pico, La Trinidad, Benguet ti maikadwa a buybust operation a nagresulta iti pannakakemmeg ni Loreto Manlincon Brudo alias “LOYD”, nailista kas Regional Top Ten Illegal Drug personality, 53 anyos, naasawaan, driver, tubo ti Mangatarem, Pangasinan ken residente ti Upper Pinget, Baguio City
Naala manipod kenkuana ti dua a pidaso ti pakete a naglaon iti mapapati a shabu nga agdagsen iti 0.33 grams ken aggatad iti 2,244
Malaksid iti dayta, naala metlaeng kenkuana ti buybust money ken cellphone a naaramat iti transaksyon
Iti agdama, sumangsangon dagiti suspek iti panaglabsing iti sec. 5 ken sec. 11 ti Art II ti RA 9165 wenno Comprehensive Dangerous Drugs act of 2002
