Early voting hours para iti vulnerable sector, maipatungpal manen iti 2025 Barangay ken Sangguniang Kabataan Elections (BSKE)

Ipatungpal manen ti Commission on Elections (Comelec) ti early voting hours para iti vulnerable sector iti 2025 Barangay ken Sangguniang Kabataan Elections (BSKE).

Iti sidong ti Resolution No. 11154, palubosan ti Comelec dagiti senior citizens, masikog, ken Persons With Disabilities (PWDs) nga agbutos a nasapa, manipud 5:00 AM agingga iti 7:00 AM.

Mangrugi pay laeng ti panagbutos manipud 7:00 AM agingga 3:00 PM.

Kabayatanna, naituding ti 10-day nationwide voter registration manipud August 01 agingga 10 para iti 2025 Barangay ken Sangguniang Kabataan Elections (BSKE).

Maangay ti 2025 Barangay ken Sangguniang Kabataan Elections inton December 01, 2025.