Dinayyeg ti Magnitude 6.1 a ginggined ti Eastern Samar, pasado alas dos ti malem ita a Lunes, Mayo 04, 2026.
Maibasar iti datos manipud iti Philippine Institute of Volcanology and Seismology (PHIVOLCS), napasamak ti ginggined iti siam a kilometro iti amianan a laud ti San Julian, Eastern Samar, iti kauneg a 10 kilometro.
Nairekord ti Intensity V idiay Can-Avid, Eastern Samar; Dulag, Alangalang, Leyte; ken Gandara idiay Samar.
Nairekord ti Intensity IV iti Abuyog, Palo, ken Carigara iti Leyte; Eastern Samar, Ormoc City ken dadduma pay a lugar.
Narikna ti Intensity III iti Naval sadiay Biliran; Hernani, Eastern Samar; Ormoc City, Hilongos, Albuera, Baybay, Villaba; Isabel, Leyte; Sorsogon City ken Bulusan sadiay Sorsogon.
Intensity II ti narikna iti Kawayan, Biliran; San Francisco, Cebu; Monreal ken Esperanza sadiay Masbate; Prieto Diaz, Sorsogon bayat nga Intensity I ti narikna iti Tabaco, Albay; Carcar, Liloan; Cebu City, Cebu; Sta. Maria, Davao Occidental; Passi City, Iloilo; Aroroy, Cataingan sadiay Masbate; Donsol, Sorsogon; ken Maasin sadiay Southern Leyte.
