Patien ti National Security Council (NSC) nga adda ti nalawag ken umdas nga ebidensia kontra iti China ti pannakadadael iti aglawlaw ti Bajo de Masinloc idiay West Philippine Sea.
Sigun kenni National Security Council spokesperson Jonathan Malaya, indatag iti Philippine Coast Guard ti makakumbinsir ken nalawag nga ebidensia a naala manipod paylaeng idi 2016 nu sadinno, naobserbar dagiti mangngalap a Chinese a mangiyak-akar ti dadakkel a “giant clams”, “sea turtles”, “puffer fishes”, “stingrays”, “topshells”, “eels”, ken dadduma pay nga animal iti baybay.
Inruar ni Malaya ti statement kalpasan nga inlibak ni Chinese Foreign Ministry spokesperson Wang Wenbin ti alegasion a ti China ket karaman iti pannakadadael iti aglawlaw ti Bajo de Masinloc.
Nupay kasta, ninamnamama ni Malaya ti nasao a sungbat.
Maipalagip a pinaglibakan ni Wang idi napagsaludsudan daytoy maipapan iti naipadamag a mangipila ti gobierno ti Pilipinas iti kaso mainaig iti pannakadadael dagiti coral reefs, agraman ti pannakaapit dagiti agpegpeggad a giant clams, idiay Bajo de Masinloc.
