Impasigurado ni Senador Risa Hontiveros a tungpalenna ti pagrebbenganna ken kitaenna amin ti ebidensia a maiparang iti impeachment trial kontra kenni Vice President Sara Duterte.
Impaganetgetna pay a saan nga agbalin isuna a bias iti bise presidente.
Sigun kenni Hontiveros, isuna ken dagiti dadduma a senator-judges ket agsapata tapno masukimat ken agbotos a nakadapende iti ebidensia a maidatag, ken kitaenda a nalaing ti agsinnumbangir a benneg ti argumento.
Indagadagna pay kenni Vice President Sara a makipaset daytoy iti trial ken sungbatanna ti amin nga alegasion nga idatag ti Kamara.
Maipalagip nga idi napalabas a lawas, kinuna ni Senador Hontiveros a ti impeachment trial kontra kenni Duterte ket “alive and kicking,” kalpasan nga insubli ti Senado dagiti articles of impeachment iti Kamara.
