--Ads--
Impetteng ni House Committee on Justice chair Gerville Luistro a nalabes pay no iti probable cause ti nakalap nga ebidensiya tapno ma-impeach ni Vice President Sara Duterte.
Sigun iti mammanday linteg, nalawag iti dokumento dagiti bank transactions da VP Sara ken ti asawana a ni Manases Carpio.
Innayonna a saan nga agtunos dagiti dadakkel a bank transaction da VP Sara ken ti asawana.
Malaksid iti dayta, saan metlaeng nga agtunos ti pakabuklan a kinabaknang dagiti agasawa a Duterte, kasta met dagiti non-disclosure ti cash ken bank deposits iti innem a tawen.
Sigun kenni Representative Luistro, daytoy ti mangkompirmar iti alegasyon a masarakan iti dua nga impeachment complaint kontra iti Bise Presidente.
