BAGUIO CITY – Kankanunungan ti presidente ti Federation of Jeepney Operators and Drivers Association iti Baguio-Benguet ti singasing a carpooling dagiti umili nga agturong iti palengke wenno iti groserya.
Iti panakiyuman ti Bombo Radyo kenni Patricio Evangelista, kinunana a napintas ti nasao a singasing tapnu saan met unay a madagsenan dagiti public utility vehicles.
Maipalagip a nasuspindir ti panagbiahe dagiti dagiti parapubliko a lugan iti sidong ti Enhanced Community Quarantine iti entero a Luzon gapu iti COVID-19.
Dinakamat pay ni Evangelista a napimpintas ti unit dagiti pribado a lugan a pakaaramidan ti carpooling no idilig kadagiti parapubliko a lugan.
Innayon daytoy a nasaysayaat met no uray dagiti dadakkel a kompanya ti bus ket mangidiaya iti kapada a serbisyo dagiti umili a mapalpalubusan a rumwar iti pagtaengan dagitoyh.