Nagsinnukat ti naimpusuan a panagapresiar iti tunggal maysa ni sigud a two-time ONE Lightweight MMA World Champion Eduard “Landslide” Folayang ken Filipina Muay Thai rising star Islay Erika Bomogao iti social media kalpasan a naipablaak ti ONE debut ti Igorot fighter iti ngudo ti lawas.
Iti panangipablaak ti ONE Championship ti naituding a laban ni Bomogao, kinuna ni Folayang:
“I saw how this young lady grew into a great martial artist. Godspeed on your upcoming pro bout Islay, get that big win.”
Nagsabat iti dalan ti dua idi agsansanay dagitoy iti sidong ti Team Lakay nu sadinno, ni Folayang ti kadakkelan nga MMA fighter iti Pilipinas iti daydi a panawen, ken ni Bomogao ket nakipaset iti gymn.
Manipod idi, ti dua ket nagsinnabali ti dalan.
Ni Folayang ket nangbukel ti Lions Nation MMA bayat a ni Bomogao ket nakipaset iti Team Bagsik ken nagbalin a maysa kadagiti kaubingan a “fighter” wenno mannakiranget iti Pilipinas nga addaan ti balitok a medalya iti SEA Games ken pananggun-od iti top-ranked 45-kilogram spot iti IFMA.
Naklaat ken naragsakan ni Bomogao idi nakitana ti maysa kadagiti ikonkonsiderana a “hero” a nangi-endorso kenkuana iti naituding a labanna.
Kinuna ni Bomogao iti sigud a two-time ONE Lightweight MMA World Champion Eduard “Landslide” Folayang :
“You were one of my biggest influences growing up. When I was a little bean training at the gym, I stayed late after our junior class sessions so I could watch you and the senior elite team train,”
“You guys starstruck me every day. Thank you for inspiring me.”
Kas sungbat, kinuna met ni Folayang:
“You are doing great, champ.Welcome to the platform to showcase your skill, ONE Championship.”
Maipalagip nga inabak ni Bomogao ni Japanese striker Fuu iti 100-pound catchweight Muay Thai bout iti ONE Friday Fights 86 iti uneg ti Lumpinee Stadium sadiay Bangkok, Thailand idi Nobiembre 8, 2024.
