Impeksa ni Education Secretary Sonny Angara ti pannakadismayana gapu iti pannakakessay ti P12 billion a naisingasing a badyet iti Senado para iti Department of Education (DepEd) inton 2025.
Sigun kenni Angara, dandani P12 billion ti nakessayan nu sadinno, P10 billion ket para iti computerization program ti Department of Education (DepEd).
Impaganetgetna ti kinapateg ti computer iti panangmoderno iti edukasion ken panangikabil kadagiti mannursuro ken estudiante kadagiti nasken a technological tools.
Kabayatanna, inaklon met ni Senador Grace Poe a nakessayan ti pondo ti nasao nga ahensia ngem kinunana a nangatngato ti pakabuklan a badyet para iti DepEd iti 2025 ngem idi 2024.
Inlawlawag ni Senador Poe a naipangpangruna ti human capital, a nangdoble ti badyet para iti teaching supplies allowance manipud P4.825 bilion idi 2024 agingga iti P9.948 bilion inton 2025.
Binigbig met ni Senador Poe ti kinapateg ti sektor ti edukasion nangruna dagiti manursuro ken dagiti studiante, saan a dagiti computer.
Daytoy ti rason ti panangdobleda ti pondo para iti teaching supplies allowance ti nasao nga ahensia.
