Nagprotesta dagiti mannursuro ken dadduma nga education sector workers iti ruar ti Malacañang Palace idi Domingo, Sep. 04.
Kangrunaan a kiddaw dagitoy ti P50,000 nga entry-level salary, pannakaingato ti allowances ken dakdakkel a pondo para iti edukasyon.
Indagadag Alliance of Concerned Teachers (ACT) Philippines iti administrasyon nga ipaayna ti suporta kadagiti mannursuro babaen iti pannakaingato ti sweldo ken Economic Relief Allowance (PERA) dagitoy iti P5,000 manipud iti P2,000.
Kabayatan ti deliberasyon ti kongreso iti singasing a 2027 national budget, kiniddaw metlaeng ti nasao a grupo ti pannakailatang ti 6% a pondo ti edukasyon manipud iti gross domestic product (GDP).
Sigun kenni ACT Secretary-General Raymond Basilio, paneknekan ni President Ferdinand Marcos Jr. ti pannangbigbigna kadagiti mannnursuro saan laeng a babaen kadagiti bitla ken statement, no di ket babaen iti dagus a panangpasayaat iti pagimbagan dagiti mannursuro, staff ken sibubukel a sektor ti edukasyon.
