Awan pay ti nailista nga election related incidents sadiay Bangued, Abra ita nga election period.
Iti panakiuman ti Bombo Radyo kenni Atty. Reyman Solbita, Election officer sadiay Bangued, Abra, kinunana nga iti laksid nga naipasidong iti orange category ti Bangued, Abra ita a 2025 National ken local elections ket awan pay dagiti insidente a napaspasamak maipapan iti eleksyon.
Impettengna met a ti basaran para iti panakakategorya iti Bangued, Abra iti orange category ket nakabasar idi napalabas a nga eleksyon ken saa nga iti agdama.
Sigun kenni Atty. Solbita, awan met ti nailista dagitoy a naglabsing iti gunban.
Gapu iti dayta, mangnamnama ti nasao nga election officer nga agtultuloy ti kappia iti nasao a lugar.
Iti sabali a bangir, kinuna ni Atty. Solbita a makumkumpleto pay laeng dagiti agserbi kas electoral boards nu sadino ti maudi a submissionda iti daytoy ket inton Pebrero baente otso iti agdama a tawen.
Iti agdama, tib barangay Bañacao ken barangay Sagap ti masapsapulan pay laeng kadagiti agserbi kas electoral boards gapu ta idi napalabas nga eleksyon ket dagiti pulis ti nagserbi kas electoral boards kadagitoy a lugar.
