BAGUIO CITY – Nakemmeg ti maysa nga electrician sadiay Bagong Silang, Caloocan City idi kanikadua.
Nabigbig ti nakemmeg a ni Felizardo Mittay Batlong, 34-anyos, naasawaan, electrician, tubo ti Poblacion West, Flora, Apayao ken agnanaed sadiay Bagong Silang, Caloocan City.
Nakemmeg ni Batlong babaen iti bileg ti warrant of arrest nga impaulog ni Presiding Judge Francisco Donato ti Regional Trial Court – Branch 26, Luna, Apayao gapu iti kaso a pammapatay nga awanan ti piansa.
Inserbi ti nagtipon a pwersa ti Flora Municipal Police Station, Provincial Investigation and Detection Management Branch ken Provincial Intelligence Branch ti Abra PNP ken ti Regional Intelligence Unit 14 ti Cordillera PNP ti nasao a warrant of arrest.
Naamuan a ni Batlong ket nakalista a maikaltlo a top most wanted person iti provincial level ti Apayao Provincial Police Office iti maikadwa a kwarta ti agdama a tawen.
