Manamnama a mausar ti electronic election system provider a Miru Systems, manipud sadiay South Korea para iti Eleksion inton sumaruno a tawen.
Gapu iti daytoy, nagturong dagiti sumagmamano nga opisiales iti Commession on Elections ken Grupo iti citizen election watch sadiay South Korea, tapno siguraduen dagitoy a mapagtalkan ti nasao nga Electronic election system provider ken nasayaat ti election iti pagilian inton sumaruno a tawen.
Maipalagip a pinirmaan ti Commession on Elections ken Miru Systems ti kontrata para iti 2025 elections idi Marso iti agdama a tawen.
Babaen iti nasao a kontrata, mangipaay ti Korean firm kadagiti baro nga automated counting machines, ballot boxes, consolidation ken canvassing systems, ballot paper, ballot verification services ken dadduma pay a mausar iti election para kadagiti agarup 73-milion a botante iti pagilian para iti eleksion.
Kabayatanna, kombinsido ti Commision on Elections ken election watch groups iti kabaelan ti Miru Systems a mangipatungpal iti nasayaat nga automated elections iti pagilian a Pilipinas.
