Mapapati a nagkontrata ti Chinese Embassy iti maysa a kompania ti Pilipinas nga agtrabaho kas troll farm wenno grupo dagiti “keyboard warriors” a panggepda ti mangbabalaw iti gobierno ken mangiwaras iti disinformation.
Daytoy ti imbutaktak ni Senate Majority Floor Leader Francis Tolentino, a chairman metlaeng iti Special Committee on Philippine Maritime and Admiralty Zones.
Indatag ni Tolentino ti kopia ti mapapati a “service agreement” iti nagbaetan ti Chinese Embassy ti Pilipinas ken Makati-based InfinitUs Marketing Solutions Inc. bayat ti panagdengngeg ti committee idi kalman.
Nabigbig ni Wu Chenqi, ti director for media and public relations ti embahada, ti pannakabagi ti gobierno.
Iti sidong ti mapapati a katulagan, ti InfinitUs Marketing Solutions Inc. ti agserbi kas otorisado nga ahensua a mang-iggem iti Social Media issue ken ti “pre-crisis management.”
Iti agdama, maad-adal paylaeng ti nasao a pakaseknan.
