Kinumpirmar iti embahada ti Pilipinas idiay South Korea nga awan ti Pilipino a nadangran iti panakaidungpar ti bus iti maysa a pasdek sadiay idi Biernes.
Sigun iti embahada, manarimaan ti panakikoordinarda iti Seodaemun police station seknan iti nasao nga insidente.
Maipalagip dumanon iti 13 nga indibidwal ti naipadamag a nadangran gapu iti nasao nga insidente nu sadino, dua kadagitoy ket adda ita iti kritikal a kondisyon.
Sigun iti report, karaman a nadangran ti driver ti nasao a bus,ken dua a pedestrian a pakairamanan met iti maysa a babae a nadunor ti luppona ken ti lalaki a nagsagrap iti head injury.
Kabayatanna, nabalakadan latta dagiti Pilipino idiay South Korea nga agtalinaed a naridam nangruna nu agbibiahe dagitoy.
Kasta metten a naipalagip ti panagkawesda iti naimeng gapu iti nalamiis a panimepo ita sadiay iti agdama.
