--Ads--
BAGUIO CITY – Natalgeden ti kasasaad ti maysa a lalaki a nakuryente iti sangwanan ti opisina ti DPWH-Cordillera sadiay Wangal, La Trinidad, Benguet idi kalman.
Nabigbig daytoy a ni Eddie Boy Razo, 33-anyos ken tubo ti Dagupan City, Pangasinan.
Maibasar iti report, nakita ti biktima ti nakabitin a sako iti kable ti kuryente iti asideg ti opisina dagitoy.
Gapu iti daytoy, nangala ti biktima iti landok ken ginandatna nga ikkaten ti sako.
Nupay kasta, nasagid ti landok ti linya ti kuryente a nangitunda iti panakakuryentena.
Nagsagrap ti biktima iti dunor iti kanigid a paset ti bagina ngem dagus a naagasan.
