BAGUIO CITY – Nakasaganan ti National Police Commission (NAPOLCOM) -Cordillera iti entrance examination dagiti kayatda a sumrek iti Philippine National Police (PNP) ken iti promotional examination dagiti agdama a pulis a kayatda a ngumato iti rangko.
Iti panakiyuman ti Bombo Radyo Baguio kenni NAPOLCOM – Cordillera information officer Soledad Benwaren, kinunana a maipatungpal dagiti esksaminasyon iti maysa a pagadalan ditoy Baguio City inton April 28.
Palpalagipanna met dagiti 1,400 a nagaplikar iti entrance examination iti panagsagana dagitoy gaputa nasken a makaalada ti marka a 70% iti eksaminasyon tapnu makapasa dagitoy.
Inlawlawagna a maysa laeng ti PNP Entrance Examination kadagiti eligibility dagiti aplikante tapnu makastrekda iti PNP.
Impasigurado pay ni Benwaren a nai-qauarantine dagiti mannursuro a mangisagana iti test booklets ken questionnaires, makabulan sakbay ti eksaminasayon tapnu maliklikan ti anyaman nga anomalya wenno panakairuar ti impormasyon iti eksaminasyon.
