Dumanonen iti P4 billion ti napukaw ken nadadael iti agriculture sector iti pagilian a Pilipinas gapu paylaeng iti epekto ti El Niño phenomenon.
Sigun iti Department of Agriculture (DA), kauduan kadagiti nadadael a mula ket manipud paylaeng iti Cordillera Administrative Region, Ilocos Region, Cagayan Valley, Central Luzon, Calabarzon, MIMAROPA, Bicol Region, Western Visayas, Zamboanga Peninsula, Davao Region,ken iti Soccsksargen.
Gapu iti daytoy, agarup 73,713 a mannalon ti naapektaran bayat a 66,000 nga ektarya kadagiti farmlands ti naapektaran gapu paylaeng iti epekto ti El Niño phenomenon.
Kaadduan kadagiti nadadael a mula ket pagay nga addaan gatad a P2.36 billion,mais, agricultural products kas ti high-value crops ken dagiti livestock.
Kabayatanna, pakabuklan a P33.83 million ti nadadael iti fisheries sector bayat a P6.95 a livestock ken poultry sub-sectors ti nadadael.
Iti baet dayta, nangipaay ti Department of Agriculture (DA) ti P1.09 billion a tulong para kadagiti apektado a mannalon pakairamanan dagiti mangngalap a naapektaran gapu paylaeng iti epekto ti El Niño phenomenon.
