Nangitinnag iti tulong dagiti eroplano manipud kadagiti European countries sadiay Gaza idi August 02, 2025.
Nagtaud dagiti tulong iti Jordan-led nations, pakairamanan ti Germany, France ken Spain.
Naaramid daytoy tapno maliklikan dagiti restriksion ti lugan a mangitulod iti tulong sadiay Gaza.
Sigun iti French President Emmanuel Macron, naipaay dagiti kaunaan a taraon nga ipaay ti France idi August 01, 2025 ken manayunan daytoy kadagiti sumaganad a lawas.
Kabayatanna, impakaammo ti pagilian nga Spain a nangitinnag dagitoy iti 12 a tonelada ti tulong babaen iti 24 a parachutes.
Umdas daytoy para iti agarup 11,000 a tattao sigun iti Spanish Foreign Minister Jose Manuel Albares.
Mainaig iti dayta, impakaammo met ti Germany a 14 a tonelada ti taraon ken medical aid ti intinnag dagitoy babaen iti eroplano.
Nupay kasta, kinuna ni German Foreign Minister Johan Wadephul a dagitoy ket maipaay kadagiti siasino a pagdisso-an dagiti nasao a tulong.
Naituding met nga agitinnag ti Italy ken Netherlands iti tulong sadiay Gaza intun sumaruno a lawas.
