--Ads--
Impasigurado ni Senate President Chiz Escudero a saan nga agdardaras ti Senado iti impeachment trial ni Vice President Sara Duterte.
Bayat ti Jesus is Lord gathering , kinuna ni Senador Escudero a situtured nga isayangkatda ti trial.
Inlawlawagna a saanda a trabaho ti mang-convict, mang-acquit nu diket trabahoda a siguraduen nga aramiden ti amin para iti hustisia.
Impaganetgetna a gapu ta adda itan iti ima ti Senado dagiti articles of impeachment, masapul nga itungpalda ti akemda kas impeachment court.
Manamnama a maisayangkat ti nasao a banag inton agsubli ti Kongreso iti session inton June 2.
