Umap-apela dagiti concessionaires iti adult biking area idiay Burnham Park gaputa okuparan manen iti market encounter iti 2025 Baguio Flower Festival ti espasyo para iti panggedanda.
Iti nakauman iti Bombo Radyo a concessionaire, immilet ti espasyo iti adult biking area rason a bimmassit met ti agturturong sadiay tapno agbike.
Sigun kadakuada, kadawyan nga agbirok dagiti turista iti nalawa nga espasyo para iti panagbike dagitoy iti nasao a parke.
Kagiddan dayta, impeksada nga unfair para kadakuada ti mapaspsamak gaputa iti baet a makiskissayan ti espasyo a mabalinda nga aramaten,saan met a makisaayan ti baybayadan dagitoy para iti renta ken para iti business permit.
Iti sabali a bangir, maragsakan met dagiti concessionaires iti kiddie biking area gapu ta dakkel met ti mapaspastrekan dagitoy.
Sigun iti panakangiwat iti kiddie biking area, nakatulong ti panangsuporta ti mayor iti turismo ken dagiti maipabpablaak seknan iti agdama a temperatura iti siudad gapu ta makaguyugoy daytoy kadagiti agtaud kadagiti kabangibang a lugar a sumarungkar iti City of Pines.//Bombo Noveh Organo
