--Ads--
BAGUIO CITY – Sumangsango itan iti kaso a panagtakaw maysa nga estudyante bayat a nakataray ti kakadwana kalpasan a ginandatda ti agtakaw iti butter iti maysa a pagtagilakuan ditoy siudad ti Baguio.
Nabigbig ti nakemmeg a supek a ni Jane Garcia, 18-anyos, balasang, residente ken tubo ti Bagued, Abra bayat a nabigbig ti merchandiser ti natakawan a pagtagilakuan a ni Samson Villanueva, 33-anyos, tubo ti Pangasinan ken residente ti City Camp, Central Baguio City.
Sigun iti pulisya, naaktuwanda ti panangikarga dagiti suspek iti 32 a pidaso ti butter nga agatad iti P4,328 iti maysa a bag.
Nakemmeg ni Garcia bayat a maan-anop dagiti kakadwa daytoy.
