BAGUIO CITY – Nakemmeg ti maysa nga estudyante kalpasan a tinakawanna ti padana nga estudyante iti uneg ti kadakkelan a mall ditoy Baguio City idi kanikadua.
Nabigbig ti biktima a ni Shy Enne Mang-usan, 19-anyos, estudyante ken residente ti San Carlos Heights, Baguio City.
Nabigbig met ti suspek a ni Jolina Eruba, 18-anyos, estudyante ken residente ti Kamog, Sablan, Benguet.
Maibasar iti blotter ti pulisya, sinurot ti suspek ti biktima agingga a naaddaan daytoy iti gundaway a lukatan ti backpack ti biktima.
Inala ti suspek ti coin purse ti biktima a naglaon ti P202.
Nakita met ti maysa kadagiti gwardia ti mall ti insidente isut gapuna a dagus a kinemmegna ti suspek.
Naipaima ti suspek iti Baguio City Police Office – Station 7 ken sumangsangon daytoy iti kaso a panagtakaw. ( – Bombo Maureen Bassit/Bombo Charles Nikko Limon)
