--Ads--
BAGUIO CITY – Natnag ti maysa nga estudyante manipud iti maikatlo a kadsaaran ti maysa a pagadalan sadiay Assumption Road, Baguio City idi kalman.
Daytoy ket maysa a 16-anyos a senior high school student ken residente ti New Lucban, Baguio City.
Maibasar iti imbestigasyon, nakatakder ti nasao nga estudyante iti terrace ti nasao a pagadalan.
Patien ti pulisya a posible a naikaglis ti barito a rason iti panakatnagna iti 15 agingga 18 a kadapan agingga a nagdisso iti bubong ti maysa a pasdek.
Dagus met a nagresponde dagiti kameng ti Emergency Medical Services ken naiturong ti barito iti pagagasan.
Iti agdama, maipaspasidong iti obserbasyon ti nasao a barito.
