Nangipila ni Senator Nancy Binay ti ethics complaint kontra kenni Senator Alan Peter Cayetano ita nga aldaw kalpasan ti suppiat a napasamak iti nagbaetan dagitoy kabayatan ti committee hearing idi laeng Mierkules.
Kagiddan dayta, naipaay metten iti opisina ni Senator Cayetano ti kopya ti nasao a reklamo.
Sigun kenni Sentor Binay, ad-adda koma a ni Senator Cayetano ti makaammo nu kasano nga imanihar ti hearing wenno kina-statesman gapu ta iti tawen ti panagkadwada a dua, ni Senator Cayetano ti maibilang a senior.
Innayon ni Binay a naklaat idi inawagan daytoy a Marites ni Cayetano kalpasan a kwinestyunaranna ti inreport ni Cayetano a P23-billion a balor ti baro a Senate building idiay Taguig City a sigun met iti dokumento ti Department of Public Works and Highways (DPWH), agbalor laeng daytoy ti P21 billion.
