Simmuko kadagiti otoridad ni sigud a Senator Ramon “Bong” Revilla ita laeng a rabii.
Iti impablaak daytoy a video iti social media accountna, kinunana a naimpormaran daytoy seknan iti panakaipaiyulog iti arrest warrant kontra kenkuana.
Kagiddan dayta, impeksana ti lidayna iti kinunana a kinakurang iti due process.
Nupay kasta, impanamnama ti actor turned politician a sangwenna dagiti akusasyon kontra kenkuana ken inyunay-unayna nga inosente daytoy.
Maipalagip nga immunan a nangipaiyulog ti Sandiganbayan Third Division iti arrest warrants ken hold departure orders kontra kenni Revilla ken dagiti innem manipod iti Department of Public Works and Highways-Bulacan 1st District Engineering Office a sumangsango iti kaso a malversation mainaig kadagiti naanomalyan a flood control projects.
Nairaman ti Revilla iti kontrobersya kadagiti nasao a proyekto kalpasan a dinakamat ni sigud a DPWH Undersecretary Roberto Bernardo ti nagan daytoy a nakaawat kadagiti maawagan a kickback.
