Impetteng ni defense counsel Atty. Justin Gular iti impeachment trial ita nga aldaw dagiti maibilbilang nga exemption iti sidung ti Section 42 ti Revised Corporation Code seknan iti panangideklara iti dividends ti maysa a korporasyon.
Daytoy ket seknan iti agtultuloy a panang-usig seknan iti unexplained wealth ni Vice President Sara Duterte.
Kabayatan iti cross examination kenni Securities and Exchange Commission witness Gerardo Del Rosario, dinamag ti counsel nu ipawpawil ti linteg ti saan a panangideklara iti dividends.
Ditoy met a kinumpirmar ni Del Rosario a saan a direkta nga ipawpawil ti linteg ti saan a panangideklara iti dibidendo ngem adda dagiti probisyon kontra iti panangtalinaed iti surplus profits a labbes iti 100 porsyento ti paid-in capital, a para iti sumagmamano nga exemptions.
Karaman kadagiti maibilbilang nga exemption dagiti definite expansion projects wenno programa nga inaprubaran dagiti board of directors, loan restrictions a mangipawpawil iti dividend declaration nga awan ti pammalubos manipud kadagiti creditors ken dadduma pay nga specila circumstances no sadino kasapulan iti retention ti kita pakairamanan ti panangipaay iti special reserve para kadagiti posible a contingency.
Kinumpirma metlaeng ti testigo a karaman kadagiti mabalin a maibilang kas special circumstance ti kaadda ti litigastion ti maysa a korporasyon.
Sigun pay kenni Del Rosario, rumbeng nga ireport iti audited financial statements ti panagaramat kadagiti nasao nga exemption.
